លោកកែវ ផាន មេគយប្រចាំច្រកទ្វារព្រំដែនភ្នំដិនស្រុកគីរីវង់ ខេត្តតាកែវ រងការរិះគន់ថា រាយមន្រ្តីគយនិងជនសុីវិលតាមផ្លូវប្រមូលខុសនីតិវិធីគយ អារកខ្យងអ្នករកសុីម៉ាគែរៗ លៀនអណ្តាតត្លែរ
ខេត្តតាកែវ៖
អាជីវករតូចតាចដឹកជញ្ជូនទំនិញចេញពីប្រទេសវៀតណាម តាមច្រកទ្វារព្រំដែនអន្តរជាតិភ្នំដិន និងពីច្រករបៀង ត្អូញត្អែរថា”៖លោក កែវ ផានមេគយច្រកទ្វារព្រំដែនអន្តរជាតិភ្នំដិន ស្រុកគិរីវង់ ខេត្តតាកែវ បានដាក់មន្ត្រីគយនិងជនសុីវិលអោយទៅសំកុកចាំប្រមូលលុយខុសនីតិវិធីប្រមូលពន្ធគយ តាមគោលដៅជាច្រើន ចាំប្រមូលលុយពីអ្នកដឹកទំនិញតូចតាច ដូចកុកចៃចឹកចង្វារ ក្រោមហេតុផល ប្រមូលលុយពីទំនិញគេចពន្ធ.បង់ពន្ធមិនគ្រប់ ,ទំនិញលោតឆ័ត្រនិងពីទំនិញខូចគុណភាពដឹកចេញពីប្រទេសវៀតណាម ចូលប្រទេសកម្ពុជា។
ប្រភពដដែលបន្តថា៖ពួកគាត់ រកលុយគ្រាន់ត្រឹមម៉ារស់លែងបានហើយ ដោយសារតែ លោក កែវ ផាន ប្រធានគយច្រកទ្វារអន្តរជាតិភ្នំដិន គាត់ប្រឹងអារកខ្យង សង្ស័យថាអាចមកពីមានកាបើកដៃ ពីមេសាខាគយនិងរដ្ឋាករខេត្តតាកែវដែលរក្សាភាពស្ងៀមស្ងាត់ឈឹង ទើបលោក កែវ ផាន ធ្វើអ្វីៗខុសច្បាប់តាមតែអំពើចិត្តមិនបាច់ញញើតបាន!។
ក្រុមឈ្មួញនិងអាជីវករនាំចូលដដែលបន្តថា៖បើទោះជាពួកគាត់នាំចូលទំនិញ បានបង់ពន្ធត្រឹមត្រូវ នៅច្រកទ្វារភ្នំដិនហើយក្តី ក៏ចៀសមិនផុតពីការបង់លុយលើតុ ក្រោមតុ តាមការកំណត់របស់មន្រ្តីគយនិងជន់សុីវិលនៅតឆមផ្លូវថែមទៀតដែរ ពួកគេទាំងនោះមិនលើករំលងទេ។
ប្រភពបន្តថា៖លោក កែវ ផាន ប្រើតួនាទីជាមេគយច្រកភ្នំដិនប្រមូលលុយដើប្បីស្រង់ដើមឥតអាសូរ លោកផានមានទំនាក់ទំនងដោយសម្ងាត់ជាមួយឈ្មួញធំៗ គាត់បើកដៃអោយក្រុមឈ្មួញធំៗទាំងនោះ សម្រុកដឹកជញ្ជូនទំនិញ ដែលតែងតែដឹកទំនិញ មានភាពមិនប្រក្រតីជាច្រើនប្រភេទពីវៀតណាមចូលមកកម្ពុជា និងពីតាមច្រករបៀង មួយចំនួនទៀត បានយ៉ាងសុខស្រួល បែរជាសង្កត់កអ្នករកសុីមួយគែរៗ។
ក្រុមអាជីវករតូចតាចខាងលើបានសំណូមពរទៅដល់ លោក អូន ព័ន្ធមុន្នីរ័ត្ន ឧបនាយករដ្ឋមន្រ្តី.រដ្ឋមន្ត្រីក្រសួងហិរញ្ញវត្ថុ លោក គុណ ញឹម អគ្គនាយកនៃអគ្គនាយកគយនិងរដ្ឋាករកម្ពុជា និងលោក វ៉ី សំណាង អភិបាល ខេត្តតាកែវ មេត្តាជួយពិនិត្យលើកិច្ចការលោកកែវ ផានឡើងវិញផង នូវភាពមិនប្រក្រតីរបស់លោកកែវ ផាន និងប្រធានច្រកទ្វារព្រំដែនលោកនួន សារ៉ែន និងបក្សពួកដែលឃុបឃិតគ្នាជាប្រព័ន្ធ ក្នុងការបើកភ្លើងខៀវអោយឈ្មួញធំៗសម្រុកដឹកជញ្ជូនទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ តាមតែអំពើចិត្ត តែបែរជាអារកខ្យង សង្កត់ក អ្នករកសុីត្រឹមតែមួយគែរៗ នៅព្រំដែន ដែលប្រើវិធី ដាក់អន្ទាក់ ក្រោមរូបភាពបង្រាបបទល្មើសប្រមូលពន្ធចូលរដ្ឋ ដោយប្រើមន្ត្រីនិងជនសុីវុិល ខ្លះខ្វះសុជីវធ៌ម សីលធ៌ម ផ្ទុយនីតិវិធីសេចក្តីណែនាំក្នុងការអនុវត្តការប្រមូលពន្ធគយកម្ពុជា ប៉ុន្តែបើកដៃចំពោះថៅកែធំៗ សង្កត់កអ្នករកសុីម៉ាគែរៗ យ៉ាងអយុត្តិធ៌មខ្លាំងដៃពេក៕
