ប្រធាន អនុប្រធាន ជញ្ជីង​ថ្លឹង​រថយន្តផ្លូវជាតិលេខ៤១ ស្រុកគងពិសី ខេត្តកំពង់ស្ពឺ កំពុងល្បីខាងថ្លឹងលុយ ជាងថ្លឹងឡានទាំងយប់ទាំងថ្ងៃ

 ជញ្ជីងថ្លឹងឡាន ឬជារោងថ្លឹងលុយ?

ប្រធាន អនុប្រធាន ជញ្ជីង​ថ្លឹង​រថយន្តផ្លូវជាតិលេខ៤១ ស្រុកគងពិសី ខេត្តកំពង់ស្ពឺ កំពុងល្បីខាងថ្លឹងលុយ ជាងថ្លឹងឡានទាំងយប់ទាំងថ្ងៃ ។

ប្រភពពីមន្រ្តីស្ថានីយ៍ជញ្ជីងថ្លឹងរថយន្តផ្លូវជាតិលេខ៤១ ស្ថិតនៅក្នុងភូមិស្វាយ ឃុំស្រង់ ស្រុកគងពិសី ខេត្តកំពង់ស្ពឺ និយាយឲ្យដឹងក្នុងលក្ខខណ្ឌសុំមិនអោយបញ្ចេញឈ្មោះថា៖

លោកប្រធាន និង អនុប្រធានស្ថានីយ៍នោះ ពួកគាត់កំពុងសប្បាយប្រមូលលុយ តាមរបៀបពុករលួយ  ពីឈ្មួញដឹកជញ្ជូនទំនិញដែលផ្ទុកលើសទម្ងន់ផ្សេងៗ មានដូចជា រថ

យន្តដឹកដី ដឹកថ្ម ដឹកខ្សាច់ ដឹកដែក សុីម៉ង់ត៍ និងរថយន្តដឹកទំនិញ សណ្តោងវែងៗ ផ្ទុកលេីសទម្ងន់ ឆ្លងកាត់ស្ថានីយជញ្ជីងថ្លឹងរថយន្ត ដែលបង្កការខូចផ្លូវ ស្ពានជាបន្តបន្ទាប់។

ដោយឡែកក្រុម​ឈ្មួញ ដឹក​ទំនិញ​ឆ្លងកាត់​ផ្លូវជាតិលេខ៤១  វិញក៏បានឲ្យ​ដឹងដែរថា៖លោកប្រធាន​ស្ថានីយ៍ជញ្ជីងថ្លឹងរថយន្តនិងមន្ត្រីស្ថានីយ៍មួយចំនួន កំពុង​សប្បាយចិត្ត ប្រមូល​លុយ​សប្បាយលិចថ្លើម យកធ្វើមានបានយ៉ាង​សុខ​ស្រួល​ អត់ខ្វល់ពីរថយន្ត​ធំៗ​ ដែលផ្ទុក​ទំនិញលើស​ទម្ងន់​ទេ។រថយន្តដឹកលើសហួសហេតុបែបណា ក៏នៅតែ​អាច​ធ្វើ​សកម្មភាពទាំង​យប់​ទាំង​ថ្ងៃដែរ ពួកគាត់ជាមន្ត្រី ដឹងតែ

លុយៗៗៗ។ម្ចាស់រថយន្ត តូច ធំ ដែល​ដឹកជញ្ជូន​ទំនិញឆ្លងកាត់ស្ថានីយ៍ជញ្ជីងថ្លឹងរថយន្តផ្លូវជាតិលេខ៤១ស្រុកគងពិសីខ្លះទៀត បានឲ្យដឹងថា ទោះបី​ពួកអ្នកដឹកគេ​ផ្ទុក​ទំនិញ

លើស​ទម្ងន់ឬ​មិន​លើស​ទម្ងន់ ​គោរព​តាម​ច្បាប់​កំណត់ឬមិនគោរព អ្នកដឹក​ក៏​នៅតែ​ចៀស​មិន​ផុត​ពី​បង់លុយឲ្យ​ក្រុម​មន្ត្រី​ពុករលួយដែរ។ហេតុនេះហើយទើបអ្នកដឹកគេលែងគឹតរឿងផ្ទុកលើសឬមិនលើសខ្មោចសេះសកអីទៀតហើយ។ប្រភពដដែលបន្តថា  រីឯលោក ជិញ គួង ប្រធានមន្ទីរសាធារណការនិងដឹកជញ្ជូនខេត្តកំពង់ស្ពឺវិញ ហាក់កន្ទេលធំបន្លំដេកដែរ គឺបានបណ្ដែតបណ្ដោយ ឲ្យប្រធានស្ថានីយជញ្ជីងថ្លឹងរថយន្តធ្វេីអ្វីៗ តាមអំពេីចិត្ត ទោះដឹងថា អាជីវករនិងពួកឈ្មួញ​ប្រើប្រាស់​រថយន្ត​វ៉េ​អង​ធំៗ រថយន្ត​សណ្ដោង​កន្ទុយ​​រ៉ឺម៉ក​ផ្ទុកទំនិញ​លើស​ទម្ងន់ក្តី ហើយទោះដឹងថាមន្ត្រី​ប្រចាំ​ស្ថានីយ៍​​ថ្លឹង​រថយន្ត​ផ្លូវជាតិលេខ៤១ស្រុកគងពិសីគ្រាន់តែ​តម្រូវឲ្យ​ម្ចាស់​រថយន្ត ខ្នាត​ធំ​ដឹកលើសទម្ងន់បង់លុយ​តាម​មាត់តាមការការកំណត់គឺជា​ការ​ស្រេច ពោលគឺលោកប្រថានមន្ទីរមិន​ខ្វល់​ពី​រឿងមន្ត្រីពុករលួយកំពុង​បង្កអោយខូច​ផ្លូវ ខូច​ស្ពានឡើយ។​

រីឯពលរដ្ឋរស់នៅចំណុចជញ្ជីងថ្លឹងវិញ បានរិះគន់ថា៖ឡានដឹកជញ្ជូន​ទំនិញ​លើស​ទម្ងន់​រាប់​តោន ​ផ្ទុកហៀរ​ទ្រុង បើកមកដល់់ជិតលឺផ្លូវថ្ងូររហឺសក៏ដោយ ក៏អ្នកឡាននៅតែអាច​បើកបរ​លើ​ផ្លូវជាតិ​លេខ៤១ឆ្លងកាត់កន្លែងដាក់ជញ្ជីងយ៉ាង​គគ្រឹកគគ្រេងរហូតដែរ ។ង្នកដឹកដឹកសំពីងសំពោងបែបណាក៏ដឹកទៅ មន្ត្រីជញ្ជីងដឹងតែលុយប៉ុណ្ណោះ ពួកអស់លោកមន្ត្រីស្បែកមុខក្រាស់ណាស់ មិនខ្វល់ពីការរិះគន់អ្វីទាំងអស់។​ពលរដ្ឋដដែលបន្តថា ពួកគាត់ជាពលរដ្ឋ មិនដឹងថា តើឡានប្រភេទណាគេអោយដឹកប៉ុន្មានតោន ដឹកលើសប៉ុន្មានតោនទើបគេផាកពិន័យនោះទេ ប៉ុន្តែបួកគាត់អាចដឹងថាបើឃើញឡានចេញមកដំណើរទាកាប៉ា ជន្ទៀសទន់ដល់ត្រង់ ហើយផ្លូវថ្ងូររហឹស ប្រាកដជាដឹកលើសហើយ តែបើមន្ត្រីជញ្ជីងគេផាក់ឬមិនផាកជារៀងរំដួល ពួកគាត់ម្នាក់ៗសុទ្ធតែចេះបច្ចេកទេស ប៉ុន្តែរដ្ឋាភិបាលហាក់មិនដឹងទេថា ពួកមន្ត្រីពុករលួយកំពុងធ្វើស្រែ ធ្វើចំការលើខ្នងរដ្ឋទេមើលទៅ។